Ilokano: Ilocano

Maipanggep iti Legal Clinic (TLC) 

Ti Misionmi: Siguraduenmi a magun-od dagiti nakurapay nga imigrante ken migrante ditoy Hawaiʻi ti hustisya babaen ti de-kalidad a serbisio legal iti imigrasyon, panangisuro, ken panangisakit. 

Dagiti Serbisiomi  

Libre. Nalimed. Mannakipagrikna. Nalaka a magun-od. 

Agraman kadagiti Serbisiomi ti:

  • Panangbalakad 

  • Panangiyuli ti papeles iti USCIS 

  • Depensa kontra deportasyon 

  • Tulong kadagiti addaan status babaen ti COFA 

  • Ayuda a humanitaryo 

  • Panangpasukat ken panangpabaro kadagiti dokumento ti imigrasyon 

  • Klinika iti naturalisasyon 

  • Dadduma pay a parikut iti linteg ti imigrasyon 

Pribado a konsulta: Iti konsulta, denggen ti grupomi a legal ti parikut ti tao, ket pagsasaritaanda no ania dagiti nasayaat a pamuspusan. Saan a kaibatugan ti konsulta ti panangawatmi iti kaso. Mabalin nga iyuman ti TLC ti parikut iti sabali a provider ti legal wenno social service, wenno iti pribado nga abogado. Mabalin met nga tingitingen ti TLC ti panangawatmi iti kaso, no maitutop kadagiti prioridadmi. 

Representasyon a legal iti imigrasion: No awaten ti TLC ti kliente, kayat na a sawen nga i-retenermi ken i-representarmi isuna iti proseso, iti man sanguanan ti U.S. Citizenship & Immigration Service (USCIS), wenno iti federal nga korte ti imigrasyon.  

Dagiti workshop ken klinika:  Makitinnulong ti TLC kadagiti padana a mangipapaay iti serbisyo iti komunidad, kadagiti institusyon a basado iti pammati, propesional a legal, ken kadagiti eskuela tapno mangidatun kadagiti workshop, webinar, ken klinika kadagiti pagsasaritaan maipanggep iti hustisya para imigrante, ken serbisyo legal iti imigrasyon. Dagitoy ket mapasamak iti O’ahu wenno kadagiti kaarruba nga isla, kasta met a limitadoda segun iti kaadda ti agobra ken pondo. 

Libre dagiti serbisyo ti TLC para kadagiti nakurapay, no la ketdi kalipikadoda segun kadagiti pagannurotanmi a pinansyal. 

Siasino ti i-representar ti TLC? 

Dagiti kalipikado: Tarigagay ti Legal Clinic nga ipaay ti serbisyo a legal iti imigrasyon kadagiti residente ti Hawaiʻi nga ti dagup ti makatawen a mapaspastrek ti sangakabbalayanda ket saan a nasursurok ngem 200 a porsyento ti agdama a federal poverty level. Ipaay ti Legal Clinic dagiti napateg a serbisyo a dina tingtingitingen ti pagilian nga orihinal, kasasaad iti imigrasyon, etnisidad, kangrunaan a pagsasao, relihyon, ideolohiya, gender identity, orientasyon a seksual, edad, wenno abilidad/disabilidad. 

Makitinnulongkami kadagiti kliente tapno magun-odda ti green card, kina-citizen, pammalubos nga agtrabaho, pannakapasangpet ti pamilyada, ken asilo a mangsalaknib kadakuada iti inkapilitan a panagsubli iti kinadangkes ken persekusyon iti pagilian a nagnaedanda.

Masapulyo kadi ti tulong iti sabali a pagsasao? Tulungan dakayo a sumapol iti libre nga interprete wenno paraitarus. Usaren ti contact form iti ngato daytoy a pahina tapno ibagayo no ania ti pagsasaoyo, ket addanto mangtawag kadakayo.