Kapasen Chuuk/ Chuukese

Usun The Legal Clinic (TLC) 

Ach Kokkot: Pwaraata kapwung och fan iten ekkewe chon choisa me chon ekis mi osupwang lon Hawai’i ren pekin alillis mi murinno lon mettochun alluk, pekin sukul, me pekin emmwen. 

Ach kewe Minen Alillis 

Ese Kamo. Mi Chok Kapas Monomon. Kirekiroch Mi Suuk. 

Kapachelong Ekkewe Sokkun Alillis: 

  • Minen Emmwen me Kapasen Emmwen 

  • Ekkewe Taropween USCIS 

  • Pekin Alillis Fan Iten Chokkewe mi Deport me Liwin Fonuer 

  • Minen Alillis fan iten ekkewe Wiliposun COFA (Chon Micronesia) 

  • Alilliis mi Suuk Ngeni Aramas 

  • Taropween Chon Choisa mi Kkan wor Sissiwil me Ffersefal 

  • Ekkewe Ofisin Siwilin Wiliposun Fenu 

  • Ekkewe Ekkoch Mettoch ren Allukun Chon Choisa

Pwopworous mi kan monomon: Atun mwich lon ach pworousfengen, ach we legal team repwe tongeni auseling om kewe aurek me ekkewe mettoch mi lamot repwe silei awewe chok ika epwe wor och sokkun minen alillis mi suuk. Esap weween pwe oupwe tipeuu le angei ei case. TLC epwe feri referral ngeni pwal eu mwicheich are ekkewe chon angang, are ngeni ekkewe attorney me TLC amwo repwe etiwa ewe case ika mi fich ngenikem pwe aupwe tongeni awora ei alillis ngenikemi.  

Emon mi Tupuni Ekkewe Chon Choisa lon Pekin Alluk: Ika ewe TLC epwe etiwa ewe emon, a wewe ngeni pwe aupwe neuneu me aiti ngeni ewe emon mi U.S. Citizenship Immigration Service (USCIS) are lo ngeni kapwung lon federal immigration (fan iten ekkewe mi kapwung lon Merika) 

Ekkewe Minen Asukul me Ekkewe Ofis: Ekkewe mi akkangang fengen me rem lon pwal ekkoch community providers, mwichefel are ekkoch mwicheich, me ekkewe legal service practitioner, me ekkewe sukul le awora ekkewe asukul, webinars woon online, me ekkewe ofis mi pworous usun kapwungun chon choisa me ekkewe alillis lon pekin alluk. Ekkewe mwich mi kan suuk lon O’ahu are ekkoch fenuen Hawaii mi chok aukuk ren tawen chon angang me ukukun moni mi kawor. 

Ekkewe minen alillis lon TLC resap kamo fan iten chokkewe mi mochen angei alillis me ika ra fich ngeni ach kewe alluk. 

Io ewe TLC A Tupuni? 

Minen Tingor: Ewe Legal Clinic ra awora ekkewe minen alillis fan iten ekkewe chon ekis ika chon choisa lon pekin alluk ngeni ekkewe mi nom lon Hawai’i nge cholapen ar moni tolong lon eu ier esap lap seni 200% ika iir mi nom lon tettelin osupwang lon Merika. Ewe Legal Clinic ra pwal awora ese lifilifin alillis inaamwo ika ia ka feito me ia, ia ka nonnom me ia, ka wilipos me ia, chon ia, met sokkun fos ka silei, met om we lamalam, om ekiek, ika ka fefin are mwan, ierom, are en mi ter are esap wor terum.

Aua angang me ren ekkewe aramas le alisiir le angei alillis le nom lon Merika pwe repwe pwisin wilipos lon fenuen Merika, ar tufich le angang, etipeuufengeni ar kewe famili, me kutta ngaselo lap seni ar repwe liwin foneur mi kan wor maun ika ninni aramas mi kan ngaw.  

Ka mochen angei alillis lon ekkoch fos? Aua tongeni alisuk le kutta chon chiyaku nge ese kamo. Kutta lepoputaan ei tarowe ika menni fos ka silei le pworous, me mwirin epwe wor emon epwe kokkoruk.